வைரஸ் தாக்கிய கணினியில் டாஸ்க்மேனேஜரைத் திறக்க

வைரஸ்,ஸ்பைவேர் தாக்குதலுக்குட்பட்ட விண்டோஸ் எக்ஸ்பி கணினியில் (சரிசெய்ய முயற்சி செய்கையில் எந்தவொரு வைரஸ் எதிர்ப்பு மென்பொருளையும் இன்ஸ்டால் செய்வதோ அல்லது ஆன்லைன் வைரஸ் ஸ்கேன் செய்யும் முயற்சியிலோ தோல்வி ஏற்படும் பொழுது) வைரஸ் வகை விபரங்களைத் தெரிந்து கொள்ள Ctrl+Alt+Del காமாண்ட் கொடுத்து டாஸ்க் மேனேஜரைத் (Task Manager) திறந்து பின்புலத்தில் இயங்கிக் கொண்டிருக்கும் மென்பொருள்கள் குறித்த விபரத்தை அறிந்து வைரஸ் வகை சார்ந்ததாக இருந்தால் இயக்கத்தை தடை செய்து பிறகு கணினியை மீட்க முயற்சிப்போம். ஆனால் டாஸ்க் மேனேஜரின் விண்டோவையும் திறக்க முடியாத சூழல் ஏற்பட்டால் என்ன செய்வது.
அதற்கு சிறிய அளவிலான மென்பொருள்கள் சில இணையத்தில் கிடைக்கின்றன. அவற்றைப் பயன்படுத்தலாம். ஆனால் அதற்குப் பதிலாக டாஸ்க் மேனேஜரைச் செயல்படுத்தும் வகையில் விபி ஸ்கிரிப்ட் கொண்ட எச்சல் சீட்டைத் தயாரித்துள்ளனர். இதனைப் பயன்படுத்தி எளிதாக உங்கள் கணினியில் இயங்கும் மென்பொருளை சஸ்பெண்ட், டெர்மினேட், ரெஸ்யூம் (terminate, suspend or resume processes) ஆகிய பணிகளைச் செய்யமுடியும்.

 http://blog.didierstevens.com/2011/02/03/taskmanager-xls/
இந்த லிங்க்கிலிருந்து எக்சல் ஃபைலை டவுன்லோட் செய்து அதனை திறந்து கொள்ளவும்.

அதில் இரண்டு பட்டன்கள் இருக்கும். ஒன்று லிஸ்ட் பிராசஸ் என்பது, மற்றொன்று எக்ஸ்கியூட் கமாண்ட் . முதலில் லிஸ்ட் பிராசஸ் பட்டனைக் கிளிக் செய்யவும். உடனே பயன்பாட்டில் இருக்கும் மென்பொருள்களின் பட்டியல் கிடைக்கும். அதில் எது தேவையற்றதோ அதற்கு நேராக முன்புறம் உள்ள கமாண்ட் கட்டத்தில் சஸ்பெண்ட் செய்ய s என்றோ, டெர்மினேட் செய்ய t என்றோ கொடுக்கலாம். டெர்மினேட் செய்ததை மீண்டும் இயக்க ரெஸ்யூம் பிராசஸ் என்பதற்கான r என்ற எழுத்தை கொடுத்த பிறகு எக்ஸ்கியூட் கமாண்ட் பட்டனைக் கிளிக் செய்யவும்.
இந்த எக்சல் ஃபைல் அளவு 50 கேபிக்கும் குறைவுதான். கணினியில் வைத்திருந்தால் எப்போதாவது அவசரத்திற்கு உதவக்கூடும்.
குறிப்பு: எஸ்சல் ஃபைல் ஓப்பன் ஆபிஸ் 3.3 மென்பொருளில் செயல்படாது. எக்சல் மென்பொருளில் மேக்ரோ (Macro) க்கள் Disable செய்திருந்தால் அதனை Enable செய்துவிட்டுப் பயன்படுத்தவும்
. Related Posts with Thumbnails

நீலச்சாயம் கரைஞ்சுபோச்சு...


அமெரிக்காவின் பாதுகாப்பு, எரிசக்தி மற்றும் பல முக்கியத்துறைகளில் பெரும்பாலான பணிகள் ஓப்பன் சோர்ஸ் மென்பொருள்கள் மூலமே  செய்யப்படுகின்றன என்றும், அதன் பயன்பாட்டை படிப்படியாக அதிகரித்து வருவதாகவும் செய்தி வெளியாகியுள்ளது.


செய்தி இணைப்பு:
http://www.zdnet.com/blog/open-source/open-source-obama/8289
http://opensourceforamerica.org/

தனியுரிமை மென்பொருள் களைத் தயாரிக்கும் மைக்ரோ சாப்ட், அடோப், ஆப்பிள் போன்ற முன்னணி நிறுவனங் களின் நலனில் மிகுந்த அக்கறை கொண்டு, உலகம் முழுவதும் வியாபாரம் செய்வதை ஆதரித் துப் பிரச்சாரம் செய்யும் அமெரிக்க அரசு, தன்னுடைய நாட்டில் மட்டும் அதனை அப்படியே ஏற்றுக் கொள்வதில்லை. மாறாக  பாதுகாப்பு, மக்கள் நலன் என்று வரும்போது  ஓப்பன் சோர்ஸை ஆதரித்து பயன்படுத்தி வருகிறது.

ஓப்பன் சோர்ஸ் ஃபார் அமெரிக்கா என்ற அமைப்பு வெளியிட்டுள்ள தகவலின்படி, அமெரிக்காவின் 15 முக்கியத் துறைகள் ஓப்பன் சோர்ஸ்  தரத்திலான தொழில் நுட்பத்தைப் பயன்படுத்துவதாகவும், அதில் பாது
காப்புத் துறை அதிகபட்சமாக 82 சதவீதமும், சக்தித்துறையில் 72 சதவீதமும், உடல்நலத்துறை மற்றும் உள்நாட்டுப் பாதுகாப்புத் துறைகளில் தலா 55 சதவீத
மும், போக்குவரத்துத் துறையில் 53 சதவீதமும் மற்றும் உள்ள பிற துறைகளில் 40 சதவீத அளவிலும் செயல்பாட்டில் உள்ளதாகத் தெரிவிக்கிறது.
இதுமட்டுமல்லாமல் ஓப்பன் சோர்ஸ் அடிப்படையில் நாசா தயா
ரித்துள்ள  காஸ்மிக் சாப்ட்வேர் கலெக்சன், விஸ்டா மற்றும் உடல் நலக் குறிப்புகளை பதிவு செய்து பாதுகாக்க எலக்ட்ரானிக் ஹெல்த் ரெக்
கார்ட்ஸ் (EHR) என்ற  சிஸ்டம்களை நிர்வகிக்கும் வேர்ல்ட் விஸ்டா, ஓப்பன் விஸ்டா மென் பொருள்களையும் உருவாக்கியுள்ளது.

பாஸ் லினக்ஸ் ஆப்பரேட்டிங் சிஸ்டம், பாரதீய ஓப்பன் ஆபிஸ் ஆகிய ஓப்பன்சோர்ஸ் மென்பொருள்களை இந்திய அரசின் தொழில்நுட்பத் துறை உருவாக்கியிருந்தாலும் பயன்பாட்டளவில் இன்னும் ஓப்பன்சோர்சில் பின்தங்கியே இருக்கிறது.அமெரிக்க நிறுவனமான மைக்ரோசாப்ட்டின் விண்டோஸ் ஆப்பரேட்டிங் சிஸ்டமும், மைக்ரோசாப்ட் ஆபிஸ் மென் பொருளுமே பெரும் பகுதி மக்களால் பயன்படுத்தப்படுபவையாக உள்ளன.

இந்தியா பில்கேட்சை வரவேற்பதில் காட்டும் ஆர்வத்தை  இது போன்ற ஓப்பன்சோர்ஸ் மென்பொருள்களை ஊக்குவிப்பதில் காட்டினால் நன்றாக இருக்கும்.  இது நமது நாட்டின் பாதுகாப்பிற்கும் உகந்ததாக இருந்திருக்கும்.  மேலும் நமது நாட்டின் சூழலுக்கு ஏற்பவும் தொழில் நுட்பம் மேம்படும் போது இன்னும் ஒரு படி கூடுதலான வளர்ச்சியை நாம் இந்தத் துறையில் பெற்றிருக்க முடியும். Related Posts with Thumbnails

10 நிமிடம் போதும் உங்கள் பாஸ்வேர்டைத் திருட..

ஒரு சில எழுத்துக்களும் எண்களும்தான் நம்முடைய வாழ்வையும், பாதுகாப்பையும் தீர்மானிப்பவையாக இருக்கின்றன.  ஏடிஎம் கார்டுகள், கிரெடிட் கார்டுகள் உபயோகிக்கும் போதும், இணையத்தில் பொருள்களை வாங்கும்போதும், இணைய வங்கிக் கணக்கு, மின்னஞ்சல்களைத் திறக்கும் போதும்   பாஸ்வேர்டு அல்லது பின் நெம்பர்களைப் பயன்படுத்துகிறோம். நாம் பயன்படுத்தும் பாஸ்வேர்டுகள் நமக்கு மட்டும் உரியதாக இருக்கவேண்டும். அப்படியில்லாமல் போனால் நம்முடைய பாதுகாப்பு கேள்விக்குரியதாகிவிடும்.

நீங்கள் பயன்படுத்தும் எழுத்துகள் எளிமையானதாக இருந்துவிட்டால் ஹேக்கர்கள் எனப்படும் இணையத் திருடர்களுக்கு கொண்டாட்டம்தான். உங்கள் வங்கிக் கணக்கும், மின்னஞ்சலும் அவர்களுக்கு ஒரு சில நிமிடங்களில் சொந்தமாகிவிடும்.

பொதுவாக உலகம் முழுவதுமே பாஸ்வேர்டுகளை/பின் எண்களைப் பயன்படுத்துவோர் ஆங்கிலத்தில் சிறிய எழுத்துக்களையே (Small Case) அதிகமாகப் பயன்படுத்துகின்றனர். அதுவும் ஆறு எழுத்துக்கள் என்ற அளவில் என்று கடந்த டிசம்பர் 2010ல் புளூம்பெர்க் (Bloomberg) நிறுவனம் நடத்திய பாஸ்வேர்டு பயன்பாடு குறித்த ஆய்வில் தெரிவிக்கப் பட்டுள்ளது.
எழுத்துக்களில் abc யும், எண்களில் 123456 ஆகிய பொதுவான வார்த்தைகளே உலகில் 50 சதவீதம் பேர் பாஸ்வேர்ட்களாக  பயன்படுத்துகின்றனர் என்றும், இது போன்ற 6 இலக்க பாஸ்வேர்டை ஹேக்கர்கள் கண்டறிய பத்து நிமிடங்கள் போதுமானது என்றும் அந்த ஆய்வு தெரிவிக்கிறது.

இதற்கு மாற்றாக ஆங்கிலப் பெரிய எழுத்துக்களுடன் (Upper Case) சிறப்புக் குறியீடுகளைச் சேர்த்துப் பயன்படுத்தினால் அதனைக் கண்டுபிடிக்க அதிகபட்சமாக 44,530 வருடங்கள் பிடிக்கும் என்று கணக்கிட்டுள்ளனர்.
மேலும் இந்த ஆய்வு பாஸ்வேர்டுகளை எப்படி அமைக்கலாம் என்றும் ஆலோசனை கூறியுள்ளது.
அதன்படி பாஸ்வேர்டுகளை ஆறு இலக்கமாக வைக்க வேண்டாம் என்றும் அதனை குறைந்தபட்சம் ஒன்பது இலக்கமாக மாற்றிக் கொள்ள வேண்டும்.
அந்த எழுத்துக்கள் ஆங்கிலப் பெரிய எழுத்தில் இருப்பதும், அதில் எண்களுடன் கலந்திருக்கும்படியும் அமைக்க வேண்டும். அத்துடன் சிறப்புக் குறியீடுகள் (Special Symbols) கலந்து  அமைப்பது மிகவும் நல்லது என்றும் தெரிவிக்கப்பட்டுள்ளது. 
எத்தகைய பாஸ்வேர்டு அமைத்தால் பாதுகாப்பு?
இதோ இந்தப் பட்டியலைப் பாருங்கள், உங்கள் பாஸ்வேர்ட் எத்தகையது என்பதை முடிவு செய்யுங்கள்.

6 எழுத்துக்கள்
சிறிய எழுத்துக்கள்         (Lower Case)         : 10 நிமிடங்கள்
+ பெரிய எழுத்துடன்      (Upper Case)          : 10 மணி நேரம்
+ எண்கள், குறியீடுகள் (Num & Symbols)   : 18 நாட்கள்
7 எழுத்துக்கள்
சிறிய எழுத்துக்கள்              (Lower Case)         :   4 மணி நேரம்
+ பெரிய எழுத்துடன்           (Upper Case)          : 23 நாட்கள்
+ எண்கள்,குறியீட்டுடன் (Num & Symbols)    : 18 நாட்கள்
8 எழுத்துக்கள்
சிறிய எழுத்துக்கள்             (Lower Case)         : 4 நாட்கள்
+ பெரிய எழுத்துடன்          (Upper Case)          : 3 வருடங்கள்
+ எண்கள்,குறியீட்டுடன்  (Num & Symbols)  : 463 வருடங்கள்
9 எழுத்துக்கள்
சிறிய எழுத்துக்கள்             (Lower Case)         : 4 மாதங்கள்
+ பெரிய எழுத்துடன்          (Upper Case)          : 178 வருடங்கள்
+ எண்கள்,குறியீட்டுடன் (Num & Symbols)   : 44,530 வருடங்கள்
. Related Posts with Thumbnails

இலவசமாக கிளிப் ஆர்ட் படங்கள் வேண்டுமா?

வெப்டிசைனர்கள், பள்ளி. கல்லூரி மாணவர்கள் தங்களுக்குத் தேவையான கிளிப் ஆர்ட் இமெஜ்களை கூகுளில் தேடிப் பயன்படுத்துவர். அப்படி எடுக்கும் படங்க‌ளை‌ப் பயன்படுத்துவதில் காப்பிரைட் சிக்கல்கள் உண்டு. ஆனால் எந்தவித கட்டுப்பாடும் இன்றி கிளிப் ஆர்ட் இமெஜ்களை இலவசமாக தரவிறக்கம் செய்ய ஓப்பன் சோர்ஸ் இணையதளங்கள் இரண்டு உள்ளன.
1. WP ClipArt
 WP ClipArt தளத்தில் 1.2 ஜிபி அளவிலான படங்கள் உள்ளன. அவற்றை ஜிப் பைலாக மொத்தமாக தரவிறக்க முடியும். அத்துடன் கணினியில் தரவிறக்கப்பட்ட இந்தக் கிளிப் ஆர்ட் படங்களைக் கணினியில் தே‌டிப் பார்க்க /எடிட் செய்ய ஒரு சிறிய உபயோககரமான  மென்பொருளையும் தருகிறார்கள். இம்மென்பொருளிலி்ல் இருந்து காப்பி செய்து வேர்டு, பவர்பாய்ண்ட் மென்பொருள்களில் தேவையான பக்கங்களில் பேஸ்ட் செய்து பயன்படுத்திக் கொள்ளலாம். 
2. Open Clip Art
இத்தளத்தில் உள்ள படங்களை ட‌வுன்லோட் செய்து விருப்பப்படி மாற்றிப் பயன்படுத்திக் கொள்ளலாம். அத்துடன் நாம் வரைந்த கிளிப் ஆர்ட்களை அப்‌லோட் செய்து நம்மைப் போன்ற பிறருக்கும் உதவலாம்.

இந்த இரண்டு தளங்களும் உங்களுக்குப் பயனுள்ளதாக இருக்கும், முயற்சி செய்து பாருங்கள். Related Posts with Thumbnails

wibiya widget