அறிந்து கொள்வோம்: கோப்பு சுருக்கமும், ரகசிய குறிமுறையாக்கமும்

சிறு சிறு ஃபைல்களை  வகை பிரித்து தனித்தனி ஃபோல்டர்களில் பிரித்து வைப்பது தகவல் காப்பக மேலாண்மையில் முக்கியமாகும்.

ஃபைல்களை பொதுவில் வைக்காமல் அதனை சுருக்கியோ (Compression) அல்லது எளிதில் பிறர் அறிந்த கொள்ள முடியாத வகையில் சங்கேத குறிமுறைக்கு (Encrypt) மாற்றிப் பாதுகாப்பதும் தற்காலக் கணினி நுட்பத்தில் முக்கிய நடைமுறையாகும்.

பல கோப்புகளை ஒன்றாக சேர்த்து கட்டி ஒரே கோப்பாக மாற்றுதல் (Archive), பெரிய அளவு கோப்பை சுருக்கி சிறிய அளவாக மாற்றுவது, இவ்வாறு மாற்றப்படும் கோப்புகளை பாஸ்வேர்டு கொடுத்து பாதுகாப்பது எனப் பல வேலைகளையும் செய்து கொள்ள மென்பொருள்கள் உள்ளன. உதாரணமாக நாம் பயன்படுத்தும் வின்ஜிப் மற்றும் வின்ரேர் மென்பொருள்களைக் குறிப்பிடலாம்.

மேற்கண்ட மென்பொருள்களைப் போன்ற அல்லது மேம்பட்ட எண்ணற்ற மென்பொருள்கள் உருவாக்கப்பட்டுள்ளன. ஒவ்வொரு மென்பொருளிலும் ஒவ்வொரு விதமான வசதி மற்றும் சுருக்கும் வழிமுறைகளில் மாற்றம் இருக்கும். ஒரு சில மென்பொருள் கோப்புகளை சுருக்குவதுடன் ரகசிய குறிமுறைக்கு மாற்றிக் கொள்ளும் வசதியையும் சேர்த்தே தருகின்றன.

பல்வேறு சுருக்க வழிமுறைகள்

லெம்பல் சிவ் மார்கோவ் (LZMA/LSMA2) எனப்படும் சங்கிலித் தொடர் போன்ற அமைப்பில் தரவுகளை இழப்பின்றி சுருக்கித் தரும் ஒரு முறையாகும். இது தரவுகளை சுருக்குதல் மற்றும் விரித்தலை ஆதரிக்கிறது .

பர்ரேஸ் வீலர் வழிமுறை (BWT) இம்முறையில் ஒரே வகை எழுத்துக்கள், குறியீடுகள் மீண்டும் வரும் இடங்களில் நீக்கி கோப்பின் அளவை சுருக்கும் ஒரு வழிமுறையாகும். மீண்டும் அக்கோப்பு டிகிரிப்ட் செய்யப்படும்போது நீக்கப்பட்டவை சேர்க்கப்பட்டு கோப்பு முழுமையாகக் காட்டப்படும்.

பிபிஎம் (Prediction by partial matching -PPM) . முந்தைய குறியீடுகளை கணித்து புள்ளி விவர அடிப்படையில் தரவு களை சுருக்கும் ஒரு வழிமுறையாகும்.

டிஃபிலேட்  (Deflate) தரவு சுருக்க வழிமுறைகளில் மேம்பட்டதாகவும், சிறந்ததாகவும் உள்ள ஒரு வழிமுறை இதுவாகும். இதில் மேற்கண்ட LZMA மற்றும் PPM ஆகிய வழிமுறைகளும் இணைந்து செயல்படுத்தப்படுகின்றன. இது ஓப்பன் சோர்ஸ் வகை தரவு சுருக்க முறையாகும். எனவே, லினக்ஸ் இயங்குதளப் பயன்பாட்டில் இம்முறை முன்னிலை வகிக்கிறது.

ரகசிய குறியாக்க முறைகள்

தரப்படுத்தப்பட்ட தரவு குறியாக்க நெறிமுறை (Data Encryption Standard - DES) 54 முதல் 64 பிட் அளவுகளுக்குள்ளாக டேட்டாவை குறுக்கு நெடுக்காக மாற்றி குறியாக்கம் செய்வதாகும்.

மேம்படுத்தப்பட்ட குறியாக்கநெறிமுறை (Advanced Encryption Standard). இம்முறை அமெரிக்க நிறுவனங்களால் அதிகம் பயன்படுத்தப்படுகிறது. இதில் 128, 192 மற்றும் 256பிட் அளவுகளில் டேட்டாவை மாற்றி குறியாக்கம் செய்யப்படுகிறது. 

பிளப்ஃபிஸ் (Blowfish) என்ற முறையில் 64 பிட் அளவில் தரவுகளை மாற்றப்படுகின்றன. மேற்கண்ட மூன்று முறைகள்தான் அதிக அளவில் பயன்பாட்டில் உள்ள ரகசிய குறியீட்டு முறைகளாகும்.

கோப்பு சுருக்க மென்பொருள்கள்

வின்ஜிப் (WinZip): டிஃபிலேட் முறையில் கோப்புகளை சுருக்கும் இம்மென்பொருள், தரவுகளை இரகசியக் குறிமுறைக்கு மாற்ற AES மற்றும் DES முறைகளை பயன்படுத்துகிறது.

ஜீஜிப் (GZip): இம்மென்பொருள் விண்டோஸ் மற்றும் லினக்ஸ் கணினிகளில் பயன்படுத்தப்படுகிறது. டிஃபிலேட் முறையில் கோப்புகளை சுருக்குகிறது. இதில் 7ஜிப், வின்ஜிப், வின்ரேர் உள்ளிட்ட பிற கோப்பு சுருக்கங்களை விரிக்கும் வசதியும் உண்டு.

7ஜிப் (7Zip): ஓப்பன் சோர்ஸ் முறையில் அமைந்த இலவச மென்பொருள் இது. தற்போது பயன்பாட்டில் உள்ள பெரும்பாலான கோப்பு சுருக்க வழிமுறை

களையும், இரகசிய குறியீட்டு முறைகளையும் ஆதரிக்கும் வகையில் உருவாக்கப்பட்டதாகும். தற்போது பிரபலமாக உள்ள விண்டோஸ் கணினிகளுக்கான கோப்பு சுருக்க மென்பொருள் இதுவே எனலாம். ஜீஜிப் போலவே பிற சுருக்க மென்பொருள்களால் உருவாக்கப்பட்ட கோப்பு

களை விரிக்கும் வசதி இதிலும் உண்டு.

வின்ரேர் (Win RAR): 7ஜிப் மென்பொருளைப் போன்றே பல சுருக்க வழிமுறைகளை ஆதரிக்கிறது. இதில் ரகசியக் குறியீட்டு முறையாக AES முறை பயன்படுத்தப்படுகிறது. இது விண்டோஸ் கணினிகளுக்கான தனியுரிமை மென்பொருளாகும். இதனை விலை கொடுத்துப் பெற்றே பயன்படுத்த முடியும்.

விண்டோஸ் மற்றும் மேக் கணினிகளில் பொதுவாக பயன்படுத்தப்படும் கோப்பு சுருக்க வடிவம் ஜிப் ஆகும். லினக்ஸ் இயங்குதளத்தைப் பொறுத்தவரை ஜீஜிப் அதிகமாக பயன்படுத்தப்படுகிறது. அதிக அளவு தகவல்களை சுருக்கவும், ரகசியக் குறிமுறைக்கு மாற்றிப் பாதுகாப்பாக வைப்பதற்கும் உதவக்கூடியது வின்ரேர் மற்றும் 7ஜிப் ஆகியவைதான். இதில் 7ஜிப் இலவசமானதும், மிகச்சிறந்த பாதுகாப்பைத் தரக்கூடியதாகவும் உள்ளது.

பிடிஎப் கோப்புகளை ஒளிப்படமாக மாற்ற

பிடிஎப் கோப்புகளை ஜெபெக் கோப்பாகவும், ஜெபெக் கோப்புகளை பிடிஎப் வடிவத்திற்கு மாற்றவும் ஃபோட்டோஷாப் அல்லது அடோப் பிடிஎப் புரொபஷனல் ஆகிய வணிக மென்பொருள்களைப் பயன்படுத்த வேண்டும்.

இவற்றைப் பயன்படுத்தாமல் இலவசமாக கோப்புகளை மாற்ற உதவும் மென்பொருள்களை http://www.fm-pdf.com/pdf-to-jpg-free.html என்ற இணைய தளம் வழங்குகிறது.

இம்மென்பொருளில் பிடிஎப் கோப்புகளை தேடும் வசதி, HTTP மற்றும் FTP மூலம் கோப்புகளைப் பெறும் வசதி, கோப்புகளில் நீரெழுத்துக் குறியீடுகளை அமைக்கும் வசதி ஆகிய வசதிகளும் உள்ளது.
.

குழந்தைகளின் ஓவியத் திறமையை வளர்க்க உதவும் இணையதளம்

சிறிய குழந்தைகளுக்கு படம் வரையவும், வண்ணங்களை பிரித்தறிந்து கொள்ளவும் ஓவியப் புத்தகங்கள் வாங்கிக் கொடுப்போம். அத்தகைய பல படங்களை இணையத் திலிருந்தே தரவிறக்கி பிரிண்ட் செய்து பயன்படுத்த உதவும் வகையில் கலரிங் என்ற இணையதளம் உள்ளது.

 இத்தளத்தில் வண்ணம் தீட்ட, எண்களை வரிசையாக இணைத்து படம் வரைதல், ஆன்லைனில் விளையாட சிறிய விளையாட்டுக்கள் என்று குழந்தைகளுக்குப் பயன்படும் பல புதுமைகளைக் கொண்டிருக்கிறது.

வண்ணம் தீட்டும் பிரிவில் கார்ட்டூன் படங்கள், விலங்குகள், இயற்கை காட்சிகள் என பல படங்கள் வரிசைப் படுத்தப்பட்டுள்ளன. உங்கள் வீட்டுக் குழந்தை ஓவியர்களுக்கு நல்ல தீனியாகவும், விடுமுறைக் காலத்தை பயனுள்ளதாக மாற்றவும் உதவும்.

தள முகவரி : http://www.coloring.ws
.

விண்டோஸிற்கு கூடுதல் வசதிகள் தரும் எக்ஸ்ட்ரா பட்டன்ஸ்

விண்டோஸ் கணினியில் உள்ள மென்பொருள்களை இயக்கும்போதும், ஃபோல்டர்களைத் திறக்கும்போதும் மேல் பகுதியில் மினிமைஸ் (Minimize), மேக்சிமைஸ் (Maximize) மற்றும் குளோஸ் (Close) பட்டன்களைப் பயன்படுத்துவோம். இந்த பட்டன்களுடன் கூடுதலாக மினிமைஸ் டூ ட்ரே (Minimize to Tray), டிரான்ஸ்பிரண்ட் விண்டோ (Transparant), விண்டோ டூ பாக்ஸ் (Window to Box), ஆல்வேஸ் ஆன் டாப் (Always on top) என்ற அனைத்து விண்டோக்களுக்கும் முதன்மையான விண்டோவாக மாற்றும் செயல்பாடு, மெனு இல்லாத முழுமையான விண்டோவாக மாற்ற (Full Screen) என்பது உள்ளிட்ட 10 விதமான பட்டன்களைத் தரக்கூடிய எக்ஸ்ட்ரா பட்டன்ஸ் என்ற மென்பொருள் வெளியிடப்பட்டுள்ளது.

இது விண்டோஸ் 98, எக்ஸ்பி, விண்டோஸ் 7 உள்ளிட்ட அனைத்து இயங்குதளங்களிலும் இயங்கும் என்று கூறப்படுகிறது. 1.3 எம்பி அளவே உள்ள இம்மென்பொருள் முற்றிலும் இலவசமாகும்.
இம்மென்பொருளை பதிவிறக்கம் செய்யும் இணைய முகவரி:   http://www.xtrabuttons.com/files/eXtraButtons.exe
.

கணினியில் ஓவியம் வரைய உதவும் எளிய மென்பொருள்

கணினியில் ஓவியம் வரைபவர்களுக்கு போட்டோஷாப், கோரல்டிரா, இல்லஸ்ட்ரேட்டர் எனப் பல வகை வணிக மென்பொருள்கள் உள்ளன.
ஆனால் ஓவியம் வரைவதற்கென்று இலவசமாகக் கிடைக்கக்கூடிய ஓரிரு மென்பொருள்களில் தற்போது வந்துள்ள ஸ்மூத் டிரா (Smooth Draw) மென்பொருள் சிறந்ததாக உள்ளது.

இதில் பேனா (Pen), பென்சில் (Pencil), வாட்டர் கலர் (Water Colour), ஏர் ஸ்பிரே (Air Spray) எனப் பல்வேறு விதமான பிரஸ்கள் கொடுக்கப்பட்டுள்ளன. போட்டோஷாப் போன்ற முன்னணி மென்பொருள்களில் உள்ள பிளர் (Blur), சார்ப்னஸ்(Sharpness), பர்ன்(Burn), ஸ்மட்ஜ்(Smudge) டூல்களும் லேயர் (Layar) வசதியும் இதில் உள்ளது. எளிய தோற்றமும், எவரும் புரிந்து கொள்ளும் விதமாகவும் வடிவமைக்கப்பட்ட இம்மென்பொருளில் வரைந்த படங்களை JPEG, PNG, TIFF, BMP, GIFF உள்ளிட்ட முன்னணி படக் கோப்பு வடிவங்களாக சேமிக்கமுடியும்.
2 எம்பி அளவேயுள்ள இம்மென்பொருள் இலவசமாகக் கிடைக்கிறது. தரவிறக்கம் செய்ய: http://www.smoothdraw.com/
.

ரயில் பயணத்திற்கான விபரங்கள் தரும் இணையதளங்கள்

இந்திய ரயில்வே இணைய தளமான https://www.irctc.co.in தளத்தைப் போலவே சிறப்பாக அமைந்த மற்றொரு இணைய தளம் http://www.indiarailinfo.com (இந்தியா ரயில் இன்போ டாட் காம்) ஆகும். இத்தளத்தில்  பிஎன்ஆர் ஸ்டேட்டஸ், பயணச் சீட்டு விபரம், இருக்கைகள், வண்டி நேரம், அத்தடத்தில் செல்லும் பிற ரயில்களின் எண், நேரம் எனப் பல்வேறு உபயோகமான விபரங்கள் கிடைக்கின்றன. இத்தளத்தை கூகுள் குரோம் பிரௌசர் வழியாக பயன்படுத்துவோருக்கு எளிமையான எக்ஸ்டென்சன் மென்பொருளையும் இத்தளம் வழங்குகிறது. இதனை குரோம் பிரௌசரில் கீழ்க்கண்ட இணைப்பு மூலம் பெறலாம்.

http://goo.gl/iTIv3 இந்த இணைப்பிலிருந்து பதிவிறக்கி நிறுவியதும் அட்ரஸ் பாருக்கு அருகில் சிறிய பல்பு போன்ற படம் காட்டப்படும். இதனைக் கிளிக் செய்தால் புறப்படும் இடம், சேரும் இடம் ஆகியவற்றைக் கொடுத்து அந்த வழியில் பயணிக்கும் ரயில் வண்டியின் விபரத்தையும், முன்பதிவு எண்ணைக் கொடுத்து (PNR Status) அதுகுறித்த விபரத்தையும் அறியமுடியும்.
இது தனியார் தளமாக இருந்தாலும் விளம்பரத் தொல்லைகள் இல்லாமல் ரயில்வே இணைய தளத்திற்கு இணையாக சிறப்பாகவே இயங்குகிறது.
.

கணினியை நிர்வகிக்க உதவும் சாப்ட்வேர்

கணினி குறித்த விபரங்களை அறிய, மறந்த பாஸ்வேர்டை கண்டுபிடிக்க, அழிந்த கோப்புகளை மீட்டெடுக்க, லேப்டாப் பேட்டரி விபரம் அறிய, ஒய்-பீ நெட்வொர்க்கை கண்டுபிடிக்க, ஆடியோ வீடியோ சார்ந்த யுட்டிலிட்டிகள், மென்பொருள் நிரல் எழுதுவதற்கு உதவும் சிறு மென்பொருள்கள், அவுட்லுக், தண்டர்பேர்ட் மெயில் கிளைண்ட்களுக்கான யுட்டிலிட்டிகள் எனப் பல பயனுள்ள சிறு மென்பொருள் தொகுப்புகளை பிரிவு வாரியாகக் கொண்ட போர்ட்டபிள் மென்தொகுப்புதான் நிர் சாப்ட் லான்ச்சர் (NirSoft Launcher). இதில் நிர் சாப்ட்டின் மென்பொருள் தொகுப்பு மட்டுமல்லாமல் Priformaவின் சிகிளீனர், ரெக்குவா ஆகிய வேறு போர்ட்டபிள் மென்பொருள்களை இணைத்துக் கொள்ளும் வசதியும் உள்ளது.

மேலும் விபரம் அறியவும், டவுன்லோட் செய்யவும் http://launcher.nirsoft.net/ என்ற முகவரிக்கு செல்லவும்.
.

கூகுள் மியூசிக் தளத்தைப் பார்க்க குறுக்கு வழி

கூகுளின் புதிய சேவையான கூகுள் மியூசிக் இப்போது அமெரிக்காவில் மட்டும் சேவையை வழங்கி வருகிறது. இச்சேவை பரவலாகக் கிடைக்க சிறிது காலமாகும் என்று தெரிகிறது.
https://music.google.com தளத்தை நாம் பார்க்க விரும்பினால் We're sorry. Google Music is currently only available in the United States என்ற செய்தி தோன்றும்.

இத்தளத்தை பார்க்க நாம் அமெரிக்காவிற்குத்தான் செல்லவேண்டும். காரணம் நம்முடைய ஐபி முகவரிதான்.
ஆனால் இங்கி‌ருந்தே பார்க்க ஒரு குறுக்கு வழி இருக்கிறது. எப்படியென்றால் http://www.proxy4free.com/ என்ற இந்தத் தளத்தில் நுழைந்து அமெரிக்க புராக்ஸி சேவை சர்வர் ஒன்றை தேர்ந்தெடுத்து கிளிக் செய்தால் தோன்றும் இணைய தளத் திரையில் music.google.com என்று டைப் செய்து ஓகே கொடுக்கவும். இப்போது நீங்கள் அமெரிக்காவில் இருந்து பார்ப்பதாகக் கருதி பக்கம் திறக்கும்.

இனி கூகுளின் பாடல் கோப்புகளைப் பார்க்கலாம். கேட்கலாம்.

பைல்களைத் தேடித்தரும் புதிய தேடியந்திரம்

பைல்களைத் தேடித்தரும் பயனுள்ள புதிய தேடியந்திரம்
zip, rar, mp3, 3gp,wma, video, audio, exe, png, jpg, tiff, ttf என்று பல வகையான கோப்புகளையும் எளிதில் தேடித்தரும் புதிய தளம் ஒன்று உள்ளது. இத்தளத்தில் சுமார்  738,966,512 பைல்கள் பட்டியலிடப்பட்டிருப்பதாக அத்தளம் தெரிவிக்கிறது. இதில் 1 கோடியே 37 லட்சத்திற்கும் மேற்பட்ட எம்பி3 மற்றும் பிற ஆடியோ பைல்களும், 50 லட்சத்திற்கும் மேற்பட்ட வீடியோ பைல்களையும், 10 லட்சத்திற்கும் மேற்பட்ட மென்பொருள் தொகுப்புகளையும், 7 ஆயிரத்திற்கும் மேற்பட்ட ஆண்ட்ராய்ட் அப்ளிகே‌‌ஷன்களையும் வைத்திருப்பதாகக் கூறுகிறது  இத்தளம்.

இதில் நேரடியாக இத்தளத்திலிருந்தே ஒரே கிளிக்கி்ல் டவுன்லோட் செய்ய முடிகிறது. பயனுள்ள இத்தளத்தின் பெயர் பைன்ட் பைல்ஸ்.நெட் http://www.findfiles.net/ என்பதாகும். பயன்படுத்திப் பாருங்கள், நிச்சயம் உபயோகமாக இருக்கும்.

எழுத்துருக்களை நிர்வகிக்க உதவும் இலவச மென்பொருள்

கணினிகளில் ஒரு சில எழுத்துருக்களைத் தவிர்த்து பிற எழுத்துருக்களை நாம் அதிகமாகப் பயன்படுத்துவதில்லை. நிகழ்ச்சி அழைப்பிதழ்கள், வாழ்த்து மடல்கள், பவர்பாயிண்ட் பிரசன்டேஷன்கள் உருவாக்கும்போதுதான் மற்ற வடிவ எழுத்துரு வகைகளைப் பயன்படுத்துவோம். புதிய எழுத்துருக்களை  சேர்க்க கணினியிலுள்ள விண்டோஸ் ஃபாண்ட் போல்டரில் பதிய வேண்டும்.
என்றாவது ஒரு முறை மட்டுமே பயன்படுத்தும் எழுத்துருக்களை விண்டோஸ் ஃபாண்ட் போல்டரில் பதியாமல் கணினியில் தனியாக வேறு ஒரு இடத்தில் பதிவு செய்து வைத்துக் கொண்டு தேவைப்படும்போது மட்டும் பயன்படுத்தலாம். அதற்கு நெக்ஸஸ் ஃபான்ட் மென்பொருள் உதவுகிறது. இந்த மென்பொருளில் எழுத்துருக்கள் உள்ள ஃபோல்டரை திறந்து வைத்திருக்கும் நிலையில் எந்த ஒரு மென்பொருளைத் திறந்தாலும் அதில் தற்போது நெக்ஸஸ் ஃபாண்ட்டில் திறந்திருக்கும் போல்டரில் உள்ள எழுத்துருக்களும் சேர்த்தே காட்டப்படும். எனவே கணினியில் எழுத்துருவை பதியாமலேயே பயன்படுத்த முடியும். மேலும் நாம் கொடுக்கும் தலைப்புக்குரிய எழுத்துருவை பிரிவியூவாக பார்க்கும் வசதி, காப்பி செய்வது, வேறு ஃபோல்டருக்கு மாற்றுவது எனப் பல கூடுதல் வசதிகளும் உள்ளது. இது போர்ட்டபிள் வடிவ இலவச மென்பொருளாகும். இதைத் தரவிறக்கம் செய்யும் முகவரி:
http://xiles.net/downloads/#NexusFont

Corrupt ஆன ஃபைல்களை மீட்டெடுக்கும் புதிய மென்பொருள்

திடீரென்று ஏற்படக்கூடிய மின் தடை, வைரஸ் தாக்குதல் எனப் பல பிரச்சனைகளால் நம்முடைய பைல்கள் ஓப்பனாகாமல் போனால் என்ன செய்வது. இதுபோன்ற Corrupt ஆன ஃபைல்களை மீட்டெடுக்க புதிய மென்பொருள் வந்திருக்கிறது.
முற்றிலும் இலவசமாக கிடைக்கும் இம்மென்பொருளின் பெயரே ஃபைல் ரிப்பேர் என்பதுதான்.

இம்மென்பொருள் சரி செய்யும் பைல் வகைகள்:

• corrupted Word documents (.doc, .docx, .docm, .rtf)
• corrupted Excel spreadsheets (.xls, .xla, .xlsx)
• corrupted Zip or RAR archives (.zip, .rar)
• corrupted videos (.avi, .mp4, .mov, .flv, .wmv, .asf, .mpg)
• corrupted JPEG, GIF, TIFF, BMP, PNG or RAW images (.jpg, .jpeg, .gif, .tiff, .bmp, .png)
• corrupted PDF documents (.pdf)
• corrupted Access databases (.mdb, .mde, .accdb, .accde)
• corrupted PowerPoint presentations (.ppt, .pps, .pptx)
• corrupted music (.mp3, .wav)

 சுமார் 1 MB அளவே உள்ள இம்மென்பொருளை கணினியில் பதிந்து வைத்துக் கொள்ளலாம் அவசரத்திற்கு உதவும்.
டவுன்லோட் செய்ய: http://www.filerepair1.com/

மின்னஞ்சல்களை அழகாக்கும் நியூஸ்லெட்டர் டெம்ப்ளேட்கள்

இணையதளங்கள் மற்றும் மின்னஞ்சல் மூலமாக வர்த்தகம் செய்யவும், விளம்பர‌ம் செய்யவும் கார்ப்பரேட் நிறுவனங்கள் விதவிதமான டிசைன்களில் மின்னஞ்சல்களை அனுப்புவதை‌ நீங்கள் பார்த்திருப்பீர்கள்.

இத்தகைய செய்தி மின்னஞ்சல்களை  HTML/ CSS ல் வடிவமைக்கின்றனர். அதுபோல நாமும் நமது வர்த்தகத்திற்கு பயன்படுத்தலாமே என்று எண்ணுபவர்களுக்கு ரெடிமேட்  டெம்ப்ளேட்களை வழங்கும் பல தளங்கள் உள்ளன. அதில் சிறப்பான சில தளங்கள் இங்கே கொடுத்திருக்கிறேன். இத்தளங்களில் சில இலவசமாகவும் கூடுதல் வசதிகளுக்கு கட்டணம் செலுத்தும் விதத்திலும் டெம்ப்ளேட்கள் கிடைக்கின்றன. பிடித்தவற்றை பதிவிறக்கம் செய்து பயன்படுத்தலாம். வர்த்தக விளம்பரமாக மட்டுமல்லாமல் புதிதாக இணையதள வடிவமைப்புப் பயிற்சியில் உள்ளவர்களுக்கும் இவை உதவும் என்று நம்புகிறேன்.
நியூஸ்லெட்டர் டெம்ப்ளேட் தரும் தளங்கள்:
http://www.cakemail.com/newsletter-template/

http://www.campaignmonitor.com/templates/
http://freemailtemplates.com/mail-templates

http://hotemailtemplates.com/
http://www.templateworld.com/
.

உங்கள் கணினிக்கு அவசியமான மென்பொருள்கள்

கணினியில் இலவசமாகக் கிடைக்கும் மென்பொருள்களை வாங்கி அடைக்காமல் தேவைக்குரிய மென்பொருள்களை மட்டுமே பயன்படுத்தவேண்டும். அதிகமான மென்பொருள்களைப் பதிவது   உங்கள் கணினியின் செயல்திறன் மற்றும் வேகத்தை  குறைக்கக்கூடும்.
பொதுவான கணினிப் பயன்பாட்டிற்கென்று சில மென்பொருள்கள் உள்ளன. அவற்றைப் பதிந்து கொண்டாலே பெரும்பாலான அடிப்படை நிலை வேலைகளுக்குப் போதுமானது. அப்படிப்பட்ட சில இலவசமாகக் கிடைக்கும் மென்பொருள்களை இங்கே தருகிறோம். இவற்றை இணையதளங்களிலிருந்து பதிவிறக்கியோ அல்லது உங்கள் கணினி வல்லுநரிடம் கேட்டுப் பெற்றோ பயன்படுத்தலாம்.

சி கிளீனர் (C Cleaner): 
கணினியை உபயோகிக்கும்போது உருவாகும் தற்காலிக கோப்புகள்,  தேவையில்லையென்று நாம் அழித்த கோப்புகள், இணையத்
தைப் பயன்படுத்தும்போது உருவாகும் தற்காலிக கோப்புகள், குக்கிகள் ஆகியவற்றை தேடி அழித்து கணினியை சுத்தமாக்கும். ரிஜிஸ்ட்ரியை சீராக்க, கணினியில் மென்பொருள்களை சேர்க்க, நீக்க உதவும்.  பதிவிறக்கம் செய்ய: http://www.piriform.com/ccleaner
லிப்ரே ஆபிஸ்  (Libre Office):
 மைக்ரோசாப்ட் ஆபிஸ் மென்பொருளுக்கு மிகச் சிறந்த மாற்றாக உள்ள ஆபிஸ் மென்பொருளாகும். பதிவிறக்கம் செய்ய: http://www.libreoffice.org/
விஎல்சி மீடியா பிளேயர் (VLC Media Player):
வீடியோ பார்ப்பதற்கும், பாடல்களைக் கேட்பதற்கும் உதவும் மென்பொருள். விண்டோஸ் மீடியா பிளேயர், வின்ஆம்ப் ஆகியவற்றைக் காட்டி
லும் அதிகமான வகை வீடியோ, ஆடியோ ஃபைல்களை ஆதரிக்கக்
கூடியது.
http://www.videolan.org/
ஃபார்மேட் பேக்டரி(Format Factory):
வீடியோ, ஆடியோ ஃபைல்களை ஒரு வகையிலிருந்து மற்றொரு வகைக்கு மாற்ற உதவும் மென்பொருள். பயன்பாட்டில் உள்ள பெரும்பாலான ஃபார்மட்
களை ஆதரிக்கக்கூடிய எளிய மென்பொருள்.
http://www.formatoz.com/ 
ரெக்குவா (Recuva):
தெரியாமல் அழித்த கோப்புகளை கணினி, பென்டிரைவ், மெமரி கார்டுகளிலிருந்து மீட்டுத் தரும் மென்பொருள். 
http://www.piriform.com/recuva
டீஃப்ராக்ளர் (Defraggler): 
கணினியில் கோப்புகளை மாற்றுதல், அழித்தல் ஆகிய செயல்பாடுகளால் ஹார்ட் டிஸ்க்கின் அடுக்குகளில் கோப்புகள் பதிவது சீரற்ற நிலையிலிருக்கும். இது கணினியின் வேகத்தை குறைக்கும். இதை சரிசெய்ய இம்மென்பொருளை மாதம் ஒருமுறை இயக்கி கோப்புகளை சீராக்கலாம். பதிவிறக்க: http://www.piriform.com/defraggler
கூகுள் பிக்காஸா (Google Picasa) : 
கணினியில் நாம் சேகரித்த வைத்துள்ள படங்களை தேடுதல், ஒழுங்குபடுத்துதல், எடிட் செய்தல், பிக்காஸா இணையப் பக்கத்திற்கு அப்லோட் செய்தல் ஆகிய பணிகளுக்கு உதவக்கூடியது.
http://picasa.google.com/
7 ஜிப் (7 Zip): 
கோப்புகளை சுருக்கவும், பல கோப்புகளை ஒருங்கிணைத்து ஒரே கோப்பாக மாற்றவும், திறக்கவும் உதவும் மென்பொருள். ஜிப், ரேர், ஐஎஸ்ஓ மற்றும் பல முன்னணி கோப்பு சுருக்க வடிவங்களை ஆதரிக்கக்கூடியது.
 http://www.7-zip.org/
அவாஸ்ட் ஆண்ட்டி வைரஸ் ஹோம் எடிசன் (Avast Home Edition):
 இலவசமாகக் கிடைக்கும் வைரஸ்  எதிர்ப்பு மென்பொருள்களில் சிறப்பானதாக கூறப்படும் மென்பொருள். அதேபோல  ஏவிஜி ஆண்டிவைரஸ், அவிரா ஆகியவற்றையும் பயன்படுத்தலாம்.
http://www.avast.com/
மொஸில்லா பயர்பாக்ஸ் (Mozilla Firefox):
இன்டெர்நெட் எக்ஸ்ப்ளோரருக்கு மிகச் சிறந்த மாற்றாக இணைய உலாவி. கூகுள் குரோம், ஓபேரா ஆகியவற்றையும் பயன்படுத்தலாம்.
http://www.mozilla.com/en-US/firefox/new
மொஸில்லா தண்டர்பேர்ட் (Thunderbird): 
அவுட்லுக் எக்ஸ்பிரஸ் மென்பொருளுக்கு மாற்றாக உள்ள மின்னஞ்சல்களை நிர்வகிக்க, அனுப்ப உதவும் மென்பொருள்.
http://www.mozillamessaging.com/en-US/thunderbird/
அக்ரோபேட் ரீடர் (Acrobat Reader) (அ) ஃபாக்சிட் ரீடர் (Foxit Reader):
 போர்ட்டபிள் டாக்குமண்ட் ஃபார்மட் எனப்படும் பிடிஎப் கோப்புகளை பார்க்க உதவும் மென்பொருள்.
http://get.adobe.com/reader/
http://www.foxitsoftware.com
.

பசீரா வீடியோ கன்வர்ட்டர் சூட்

வீடியோ கன்வர்ட் செய்யும் மென்பொருள்கள் புதிது புதிதாக வந்து கொண்டே இருக்கின்றன. அப்படி புதிதாக வந்திருக்கும் மென்பொருள்தான் பசீரா.
இது AVI, MPEG, MP4, MOV, WMV, FLV, M4V, 3GP. ஆகிய வீடியோ பார்மட்களை ஆதரிக்கக் கூடியது. வீடியோவை மட்டுமல்லாத வீடியோவிலிருந்து ஆடியோவையும் பிரித்துத் தரக்கூடியதாக உள்ளது. மாற்றக்கூடிய ஆடியோ பார்மட்கள் MP3, WMA, OGG, WAV, AAC, AC3, FLA.
இது சிறிய சிறிய பல மென்பொருள்களின் தொகுப்பாக உள்ளது.

Pazera Free FLV to AVI Converter          1.3
Pazera Free Video to Flash Converter      1.1
Pazera Free 3GP to AVI Converter          1.3
Pazera Free Video to 3GP Converter        1.2
Free Zune Video Converter                 1.1
Pazera Free PSP Video Converter           1.1
Pazera Free Video to iPod Converter       1.1
Pazera Free MP4 to AVI Converter          1.4
Pazera Free MOV to AVI Converter          1.3
Pazera Free Audio Extractor               1.4

இவற்றை தேவைக்கேற்றபடி தனித்தனியாகவும் டவுன்‌லோட் செய்து கொள்ளலாம்.
அல்லது பசீரா வீடியோ கன்வர்ட்டர் சூட்டை முழுவதுமாகவும் டவுன்லோட் செய்யலாம். அளவு 34 MB தான்.
டவுன்லோட் செய்தபிறகு ஜிப் பைலை Extract  செய்து கணினி அல்லது பென்டிரைவில் பதிந்து போர்ட்டபிளாக பயன்படுத்தலாம்.
http://www.pazera-software.com/download.php?id=0023&f=Pazera_Video_Converters_Suite.zip

விதவிதமாக வரும் வீடியோ கன்வர்ட்டர் மென்பொருள்களைப் பார்க்கும்போது கன்வர்ட் செய்வதற்கு வீடியோக்களுக்கு பஞ்சம் வந்துவிடும் போலிருக்கிறது!
.

போட்டோஷாப் பிரஷ்கள் இலவசம்

போட்டோ‌ஷாப்பில் பிரஷ் டூலைப் பயன்படுத்தி விதவிதமான டிசைன் பேட்டர்ன்கள், ஸ்பெஷல் எபெக்ட்கள், மேகங்கள், அருவி, பூக்கள், பார்டர்கள் என பலவித வேலைப்பாடுகளை செய்ய ரெடிமேட் பிரஷ்களைப் பயன்படுத்தப்படுகின்றன. இத்தகைய பிரஷ்களை இலவசமாக தரும் தளம் ஒன்று உள்ளது. இதில் நூற்றுக்கும் மேற்பட்ட‌ பிரஷ்களை இலவசமாக டவுன்லோட் செய்து பயன்படுத்தலாம்.
தளத்தின் முகவரி:   http://photoshopbrushes.eu/

இந்த பிரஷ்களை எப்படிப் பயன்படுத்துவது என்று தெரியாதவர்களுக்கு

போட்டோஷாப்பில்  பிரஷ் டூலை (Short cut - B) செலக்ட் செய்தால் படம் 1இல் உள்ளபடி ‌பிரஷ் டூலும் மெனுபாரில் டிபால்ட்டாக உள்ள பிரஷ் படமும் காட்டப்படும்.

 

டிபால்ட் பிரஷ் படத்திற்கு அருகில் உள்ள பிரஷ் மெனு ஏரோவை கிளிக் செய்தால் படம் 2இல் உள்ளவாறு பிரஷ்களின் படம் தெரியும். அதில் பிரஷ் அளவு காட்டப்படும் இடத்தில் காட்‌டப்படும் வலதுபக்கம் நோக்கிய அம்புக்குறியை கிளிக் செய்ய தோன்றும் மெனுவில் லோட் பிரஷ் (Load Brushes) என்பதை தேர்ந்தெடுக்கவும்.

 படம் 3இல் உள்ளபடி நீங்கள் டவுன் லோட் செய்த பிரஷ் இருக்கும் இடத்தில் தேவையான பிரஷ்ஷை செல‌க்ட் செய்து லோட் என்பதைக் கிளிக் செய்யவும்.

இப்பொழுது நீங்கள்  லோட் செய்த பிரஷ்களை கீழே அம்புக்குறியிட்டுள்ள இடத்தில் காட்டப்படும். இனி அதில் எந்த வடிவம் தேவையோ அதனை தேர்ந்தெடுத்து அதன் அளவை மேலே உள்ள அம்புக்குறி காட்டும் இடத்தில் தேர்வு செய்து பயன்படுத்தலாம்.
.

லிப்ரே என்றால் சுதந்திரம்

நம் வீட்டிலும், அலுவலகங்களிலும் உபயோகத்தில் உள்ள பெரும்பான்மையான கணினிகளில் மைக்ரோசாப்ட் ஆபீஸ் அல்லது ஓப்பன் ஆபிஸ் மென்பொருள் தொகுப்பு கட்டாயமாக இடம் பெற்றிருக்கும்.

மைக்ரோசாப்ட் ஆபிஸ் (MS Office) தொகுப்பில் வேர்ட், எக்ஸல், பவர்பாயிண்ட் ஆகியவை முக்கியமான மென்பொருள்கள். அதேபோல ஓப்பன் ஆபிஸில் (Open Office) இவற்றின் பெயர் ரைட்டர், ஸ்பிரட் சீட், பிரசன்டேசன் என வழங்கப்படுகிறது. இம்மென்பொருள்களைப் பற்றி கணினி கற்ற அனைவரும் அறிந்தே வைத்திருப்பர்.
மைக்ரோசாப்ட் ஆபிஸ் மென்பொருள் தொகுப்பை விலை கொடுத்துதான் வாங்கவேண்டும். இது சுமார் ரூ. 6000 என்ற விலையில் கிடைக்கிறது. இத்தொகுப்பை வாங்கினால் ஒரு கணினிக்கு மட்டுமே பயன்படுத்தமுடியும். அதே ஓப்பன் ஆபிஸ் தொகுப்பாக இருந்தால் எத்தனை கணினிகளுக்கு வேண்டுமானாலும் பயன்படுத்தலாம். கட்டணம் இல்லை. ஏனென்றால் அது கட்டற்ற இலவச (Open Source Software) மென்பொருளாகும்.
கட்டற்ற அல்லது சுதந்திர மென்பொருள் என்பது ஒருவருக்கு மட்டுமே சொந்தமானதல்ல, அதைப் பயன்படுத்த எவ்விதக் கட்டணமோ, அனுமதியோ தேவையில்லை. அதை உருவாக்கப் பயன்பட்ட நிரல்களை (Source Code) எவரும் தமது விருப்பத்திற்கு ஏற்றவாறு மாற்றியமைத்துப் பயன்படுத்தலாம். ஆனால் மைக்ரோசாப்ட் மென்பொருள் தொகுப்பை அவ்வாறு பயன்படுத்த முடியாது.
அரசுத் துறையிலும் தனியார் துறையிலும் உலகின் பல நாடுகளும் குறிப்பாக இந்தியாவிலும் ஓப்பன் ஆபிஸ்  மென்பொருளே அங்கீகரிக்கப்பட்டிருக்கிறது. இத்தகு சிறப்பு வாய்ந்த ஓப்பன் ஆபிஸ் மென்பொருளை உருவாக்கிய சன் மைக்ரோ சிஸ்டம் நிறுவனம் நிதிநிலை காரணமாக ஆரக்கிள் நிறுவனத்தால் கையகப்படுத்தப்பட்டது. இது  உலகெங்கும் உள்ள தன்னார்வ மென்பொருள் வல்லுநர்களிடையே பெரும் அதிருப்தியை உருவாக்கியது. ஏனெனில்  பிரபலமான சன் சொலாரிஸ் இயங்குதளம், ஜாவா கணினிமொழி, ஓப்பன் ஆபிஸ் என திறந்த நிரல் மென்பொருட்களை ஆதரித்து இலவசமாக வழங்கி வந்த சன் மைக்ரோ சிஸ்டம் போல ஆரக்கிள் நிறுவனம் நடந்து கொள்ளாது, அது ஒரு தேர்ந்த வியாபாரி என்பதைத் திறந்த நிரல் பங்களிப்பாளர்கள் உணர்ந்தே உள்ளனர்.
எதிர்பார்த்தது போலவே ஆரக்கிளும் ஓப்பன் ஆபிஸ் மென்பொருளுக்கு இனி யாரும் நிரல் எழுதி மேம்படுத்தக் கூடாது என்றது. இதற்கு கடும் எதிர்ப்பு எழுந்ததால் தற்போது  எழுதலாம் என்றிருக்கிறது. இது குறித்து முன்பே எச்சரிக்கையடைந்திருந்த ஓப்பன் சோர்ஸ் குழுக்கள் டாக்குமெண்ட் ஃபவுண்டேஷன் என்ற இணையதளத்தை தொடங்கி அதில் லிப்ரே ஆபிஸ் (Libre Office) என்ற மென்பொருளை வெளியிட்டனர்.
இது ஓப்பன் ஆபிஸ் மென்பொருளின் நிரலைப் பயன்படுத்தியே உருவானது. தற்போது இம்மென்பொருளுக்கே தன்னார்வ மென்பொருள் நிரலாளர்கள் பங்களிப்பை வழங்கி வருகின்றனர்.
இணையத்தில் இலவசமாகக் கிடைக்கும் இம்மென்பொருளை பதிவிறக்கம் செய்யும் முகவரி:www.libreoffice.org/
.

போட்டோஷாப் ஷார்ட் கட் கீகள்

போட்டோஷாப் மென்பொருளை விரைவாகவும் சிறப்புடனும் பயன்படுத்த Shortcut கீகள் தெரிந்திருப்பது நல்லது. போட்டோ ஷாப் பயன்படுத்துவோருக்கும் புதியவர்களுக்கும் உதவ ஆங்கிலத் தளம் ஒன்றில் கிடைத்த Photoshop ShortCut Key கொண்ட படத்தை உங்களுடன் பகிர்ந்துகொள்வதில் மகிழ்ச்சியடைகிறேன்.

கீழே உள்ள கீபோர்ட் ஷார்ட் கட் படத்தை கிளிக் செய்தால் பெரிதாகும். அதனை சேவ் செய்து பிரிண்ட் எடுத்துப் பயன்படுத்திக்கொள்ளுங்கள். நன்றி.

.

கணினி விளையாட்டுக்கு இணையதளம்

இது கோடைகாலம், நம்  இல்லக் குழந்தைகளுக்கு விடுமுறைக் காலம். வெளியில் சென்று  விளையாடிய நேரம் போகக் களைத்திருக்கும் நேரத்தில் வீட்டில் அமர்ந்து  விளையாட கணினி விளையாட்டுக்கள் சில இணைய தளத்தில் உள்ளன. மிகவும் சிறிய  அளவிலான இந்த விளையாட்டுக்களில் சில போர்ட்டபிள் மென்பொருளாக இருப்பதால் கணினியில் நிறுவவேண்டிய அவசியம் இல்லை. இவ்விளையாட்டுக்களை http://free-zd.t-com.hr என்ற தளத்திலிருந்து இலவசமாகப் பதிவிறக்கிப் பயன்படுத்தலாம்.

நம் வீட்டுக் குழந்தைகளுக்கு பணப் பரிவர்த்தனை, வியாபாரம், வங்கி ஆகியவற்றை நிர்வகிக்க பழக உதவும் Trade  என்றும் MonoPoly  என்றும்  அழைக்கப்படும் வியாபார விளையாட்டு பயனுள்ளது.

அடுத்து சதுரங்க விளையாட்டை கணினியில்  விளையாட விரும்பும் குழந்தைகளுக்கும் பெரியோருக்கும் யேசெஸ் (yea Chess) சிறப்பானது.

77 விதவிதமான சிறிய விளையாட்டுக்களை ஒரே விண்டோவில் விளையாடும் வகையில் ஒரு மென்பொருளும். 5 விளையாட்டுக்களை கொண்ட ஒரு மென்பொருளும் இத்தளத்தில் கிடைக்கிறது.

மேலும் இணைய வசதி உள்ளவர்கள் வேறொரு ஊரில். நாட்டில் உள்ள நண்பர்களுடன் விளையாடும் வகையிலான  நெட்வொர்க் கேம்கள் இரண்டும் இத்தளத்தில் உள்ளது சிறப்பாகும்.

இம்மென்பொருள்களை டவுன்லோட் செய்ய: http://free-zd.t-com.hr/drazen/index.html

இலவச டைப்பிங் டியூட்டர் மென்பொருள்

ஆங்கிலத் தட்டச்சு பழகுவோர் ஆசிரியர் துணையின்றி கணினியிலேயே எளிதாகப் பழகுவதற்கு எண்ணற்ற மென்பொருள்கள் வந்துவிட்டன. இதில் பெரும்பாலானவை கட்டண மென்பொருள்களே. தற்போது இலவசமாக புதிய மென்பொருள் ஒன்று வெளியிடப்பட்டுள்ளது. இதன் பெயர் டிப் 10 (Tipp 10) ஆகும்.

இம்மென்பொருள் ஓப்பன் சோர்ஸ் அடிப்படையில் இலவசப் பயன்பாட்டுடன் கிடைக்கிறது. இதில் அடிப்படை நிலைப் பாடம் முதல் முதுநிலைப் பாடம் வரை என 20 வகைப் பாடங்கள் உள்ளன. இதில் எது தேவையோ அதனைத் தேர்ந்தெடுத்துப் பழகலாம். புதியவர்களுக்கு மட்டுமல்லாமல் ஏற்கனவே தட்டச்சுப் பழகி பாதியில் நிறுத்தியவர்கள், தட்டச்சுத் திறனை மேம்படுத்த நினைப்பவர்கள் ஆகியோருக்கு இம்மென்பொருள் பயனுள்ளது.

இதில் தட்டச்சு செய்யும் வேகம், விசைகளை அழுத்துவதில் எந்த விரல் சிறப்பாக செயல்படுகிறது என்பதையும், குறிப்பிட்ட நேரத்தில் எத்தனை எழுத்துக்கள் தட்டச்சு செய்தோம், பிழைகள் அதில் எத்தனை என்பன போன்ற விரிவான தகவல்களைத் தருகிறது.

அத்துடன் அவற்றை பிரிண்ட் செய்து பார்க்கும் வசதியும் உள்ளது. தட்டச்சு பழகுவோருக்கு சுலபமான, விரிவான குறிப்புகள் கொண்ட மென்பொருள் இது.
பதிவிறக்கம் செய்ய: http://www.tipp10.com/en/download/

இனி காப்பி பேஸ்ட் செய்வது எளிதாகும்..

விண்டோஸ் கட், காப்பி, பேஸ்ட் வழிமுறையில் கோப்புகளை‌ இடம் மாற்றுவதைவிட வேகமாகவும் பல கூடுதல் பயன்களுடனும்  சிறிய யுட்டிலிட்டி மென்பொருள்கள் கிடைக்கின்றன. சாதாரண காப்பி பேஸ்ட் செய்வது போலல்லாமல் இவற்றில் இடையில் நிறுத்தி வைத்தும், காப்பியாகும்போது ஏற்கனவே அதே கோப்பு இருந்தால்  அதனை ஓவர் ரைட் அல்லது ஸ்கிப் கமாண்ட்கள் கொடுத்தும் தொடர்ந்து காப்பி செய்யமுடியும். சில கோப்புகள் காப்பியாகவில்லையென்றால் அவை எவையெவை என்பதைப் பட்டியலிட்டுக் காட்டும். இச்சிறப்பான வசதிகளுடன் அமைந்த எண்ணற்ற மென்பொருள்கள் இருந்தாலும் அதில் குறிப்பிட்ட சிறந்த 13 மென்பொருள்கள் மட்டும் உங்களுக்காக...

1. பாஸ்ட் காப்பி ( FastCopy  2.08)
2. எக்ஸ்ட்ரீம் காப்பி ( ExtremeCopy Pro 1.5.1)
3. டெர்ரா காப்பி ( TeraCopy 2.12 )
4. ரிச் காப்பி (RichCopy 4.0.217 )
5. கில் காப்பி (KillCopy 2.85)
6. அல்ட்ரா காப்பியர் (Ultracopier 0.2.0.15)
7. ரிஜி காப்பி ( PerigeeCopy 1.2)
8. காப்பி ஹேண்ட்லர் ( Copy Handler 1.32.276)
9. மினி காப்பியர் ( MiniCopier 0.5)
10. காப்பி விஸ் ( Copywhiz 4.0 Build 3)
11. சூப்பர் காப்பியர் ( SuperCopier 2.2)
12. அன்ஸ்டாப்பபிள் காப்பியர் (Roadkil’s Unstoppable Copier 5.2)
13. கியூ காப்பி ( QCopy 1.0.2)

.